Durante este curso, o PDI que desenvolvemos no centro é "NovenArte - BD" sobre a banda deseñada ou cómic; con tal motivo o xoves, nas aulas de 1º e 2º de Primaria vestímonos coma as personaxes da coñecidísima serie : Os Pitufos.
Mirade que ben luciamos:
Como remate desta semana de entroido, o venres celebrámolo todos xuntos no centro e gozámolo moito pois cadaquén viña co seu disfraz favorito.
Moitísimas grazas familias pola vosa colaboración!
Viva o entroido!
Hoxe, as nenas e os nenos de primeiro de primaria do cole podemos presumir que sabemos un pouco máis de guepardos, grazas á visita de Rubén Portas (padriño de Manu de 1ºB).
Rubén tivo a amabilidade de vir pasar con nós unhas horiñas para falar do seu interesante traballo. Vive en Namibia e forma parte do "Proxecto Guepardo", do Instituto Leibniz de Berlín. A súa labor consiste en censar a poboación desta especie, investigar as súas costumes e colaborar na súa protección, posto que é un animal en perigo de extinción.
Durante a súa charla puidemos aprender a diferenzar guepardos e leopardos, explicounos polo miúdo que se fai cun guepardo cando é capturado para o seu estudo, como se coloca un colar con GPS, e se lle extraen mostras de sangue. E como, ao rematar, se administra un antídoto para que esperte.
.jpg)
A través do visionado de vídeos observamos escenas deste gran felino en estado de liberdade. Tamén nos explicou a importancia de preservar o hábitat natural de todos os seres vivos.
.jpg)
Moitas grazas, Rubén, por vir compartir con nós a túa labor e o teu saber.
Grazas por achegarnos un pedaciño de África en forma de guepardo!
Aprendimos como limpar ben os dentes, as moas e a lingua con distintos tipos de utensilios: cepillos de dentes manuais e eléctricos, seda dental, cepillos interdentais, flossers...
Tamén insistiu moito nunha alimentación sá e con pouca cantidade de azucre. Sempre pensamos que o azucre só está presente nas chuches pero tamén está nas galletas, no pan de molde, nos iogures bebibles ...
.jpg)
Seguindo coa celebración do Día do Medio Ambiente os nenos e nenas de 2º realizaron nas súas casas uns magníficos xoguetes, feitos con materiais reutilizados. Aquí deixamos unha mostra:
Moitísimas grazas, familias!!!
Ademais, un ano máis, saíron a recoller lixo pola contorna do centro e, como se pode ver, recolleron máis do esperado:
Hoxe, os nenos e nenas de primeiro, recibimos a visita de Ana e Mónica, mamás de dous compañeiros, que organizaron para nós este entretido contacontos sobre a igualdade.
Moitas grazas, Ana!
Moitas grazas, Mónica!
Pasámolo moi ben!!!
O alumnado de 2º de Primaria iniciouse na investigación sobre o Camiño de Santiago, que é o noso proxecto anual de centro para este curso.
Primeiro, cada un nas súas casas, coa colaboración das familias, tivo que investigar sobre diferentes temas vinculados co Camiño: peregrinos, camiños que hai, símboloxía... Posteriormente, explicáronlle aos seus compañeiros e compañeiras toda a información que recolleron.
Agora están agardando instrucións de Mimi para seguir co traballo.
O alumnado de 1º quixo despedir o curso co derradeiro programa de Barrenses Viaxeir@s deste ano.
Velaquí os froitos:
Seguindo co proxecto deste curso, "Barrenses Viaxeir@s", o alumnado de 1º e 2º de Primaria creou un zoo virtual que está situado no arboredo próximo ao colexio.
Se vos animades a visitalo, veredes que en cada un dos paneis, clasificados por continentes, atópase información das diferentes especies amosadas e dous códigos QR. Escaneándoos poderedes ver un vídeo no que os rapaces e rapazas explican curiosidades acerca do animal e, por outra parte, ver o animal en realidade aumentada e, incluso, interactuar e sacarvos unha foto con el!
Aquí deixamos un pequeno resumo do que podedes ver, e como o alumnado destes cursos gozou do traballo feito:
Queremos agradecer a colaboración e a implicación do Concello por proporcionarnos os recursos que nos permitiron conseguir este gran resultado. Por outra parte, tamén agradecemos a Breixo, alumno de 2ºB, e á súa familia a gran axuda á hora de confeccionar os carteis dos continentes.
Ao longo deste segundo trimestre estivemos investigando acerca dos seres vivos coa axuda do profe en prácticas Miguel. Tras moito investigar, as nenas e nenos de segundo quixeron contarlle á nosa fiel audiencia todo o que aprenderon!
O alumnado de 1º estivo a traballar o que son as liñas do tempo e para que serven. Despois, as nenas e nenos fixeron a súa liña do tempo para coñecer os seus primeiros anos de vida.
Os resultados foron xeniais! Aquí vos quedan:
MOITÍSIMAS GRAZAS, FAMILIAS, POLA VOSA COLABORACIÓN!!!
Despois de traballar as distintas partes do cole e cal é a función de toda a xente que traballa nel, os nenos e nenas de 1º creamos o 2º programa de BARRENSES VIAXEIR@S.
Aquí o deixamos:
Moitísimas grazas a todas as persoas que colaborastes!!!
Como saberedes, este segundo trimestre os rapaces e as rapazas de segundo atópanse investigando sobre os seres vivos de Barro. Concretamente, nestas primeiras semanas tras as vacacións de Nadal están facéndoo sobre as plantas, e que mellor forma de facelo que vendo, tocando e sentindo a nosa vexetación de primeira man!
O alumnado de primero quixo celebrar unha das tradicións máis arraigadas de Barro: o día da Candeloria.
Para iso, as nenas e nenos fixeron unha investigación previa nas súas casas, onde preguntaron ás súas familias que se celebraba e cal era o motivo da celebración.
Din que pola Candeloria casan os paxariños...
Pois aquí deixamos os paxariños de 1º acompañados duns refráns que se poden ver nos códigos QR que colgan en cada un deles:
Ademais non nos puido vir mellor a casa para os paxariños que elaborou Elba coa axuda da súa familia.
FELIZ DÍA DA CANDELORIA!
Xa están aquí os vídeos do segundo programa de "Barrenses Viaxeir@s". Durante as últimas semanas, o alumnado de segundo estivo investigando acerca de como se organiza Barro e que oficios hai na nosa vila. Aqui tendes o resultado! Esperamos que vos guste!
Este curso, o alumnado de 1º mergullouse nun proxecto televisivo, "Barrenses Viaxeir@s" así se chama.
Nel, os nenos e nenas irán periodicamente presentando programas que se ambientan en Barro e a súa contorna. O primeiro dos programas xa está listo para vós. Aquí volo deixamos:
Prestade moita atención pois o próximo xa o temos en marcha!
O alumnado de 2º está traballando nun proxecto que consiste na rodaxe dun “programa de televisión” chamado “Barrenses Viaxeir@s”. En cada episodio, achegarémonos ao noso pobo dende un punto de vista concreto e, nesta primeira ocasión, centrámonos nos deportes do noso Concello.
Podedes ver aquí dous fantásticos programas da man duns reporteiros e reporteiras moi especiais! Esperamos que vos gusten!
