SAÍDA AO PARQUE ARQUEOLÓXICO DE CAMPOLAMEIRO

O pasado día 10, os nenos e nenas de 1º e 2º de Primaria pasamos un día estupendo e cheo de actividades no Parque Arqueolóxico da Arte Rupestre de Campolameiro.

Paseamos polos sendeiros do Parque e puidemos mirar a recreación das cabanas dun poboado e aprender tamén sobre os distintos grabados rupestres mirando algúns petróglifos. Amosáronnos tamén como facían lume, pois ... na prehistoria non tiñan chisqueiros.

Tivemos tempo tamén para explorar no laberinto que hai no parque e de facer unha curat visita ao museo.

Ademais tivemos a oportunidade de realizar dous obradoiros moi interesantes:

"As cores da prehistoria" é un obradoiro no  que aprendimos como conseguían tintes e distintas cores a partir de minerais, rochas e outros materiais. Despois fixemos un gran mural empregando algunha desas cores.

"Obradoiro de cerámica" no que aprendimos a modelar con barro un pequeno tarro que levamos despois para o colexio, deixámolo secar unha semaniña e finalmente foi para casa. Mirade que chulos nos quedaron.

Foi unha xornada moi proveitosa e gozámola un montón!

ESTAMOS DE ENTROIDO

Durante este curso, o PDI que desenvolvemos no centro é "NovenArte - BD" sobre a banda deseñada ou cómic; con tal motivo o xoves, nas aulas de 1º e 2º de Primaria vestímonos coma as personaxes da coñecidísima serie : Os Pitufos.

Mirade que ben luciamos:  

Como remate desta semana de entroido, o venres celebrámolo todos xuntos no centro e gozámolo moito pois cadaquén viña co seu disfraz favorito.

 

 

Moitísimas grazas familias pola vosa colaboración!

Viva o entroido!

 

Curta de cine mudo

 Ao longo do trimestre, estivemos traballando os inicios do cine, enmarcado no proxecto de centro "Cine de Barro". Para rematalo, coa axuda do auxiliar de conversa, Max, gravamos unha curta de cine mudo relacionada con Charles Chaplin.

Así que... tomade asento e poñédevos cómodas e cómodos!! Cine e acción!!!!!!

 

 

 Encantounos ser actrices e actores por un día!!!!

 Grazas profe Max pola túa axuda!!!!! 

 

"Unha vella tiña un can"

 Co gallo do Día internacional da Poesía, nas aulas de segundo do colexio preparamos e recitamos a cantiga popular "unha vella tiña un can".

Coa axuda do profe Max fixemos un video que queremos mostrarvos, velaí o noso traballo!!!

 

                             Agardamos que vos guste!!!

 

É a col lombarda un medidor de ph natural?

 Hoxe, continuando co noso ciclo de experimentos, aprendemos moito sobre a química. As nosas profes trouxeron "zume de col lombarda" e xogamos a mesturala con diferentes elementos presentes no noso día con diferente acidez (ph): limón, auga, bicarbonato, vinagre e lixivia (este último manipulouno unha profe). 

 A cor natural da lombarda foi mudando en función do ph de cada elemento!! quedamos abraiados coa cor vermella da interacción do vinagre coa lombarda, ou da azul co bicarbonato!! Podemos afirmar que a auga de col lombarda é un medidor natural de ph. Isto débese a un componente que se chama antocianina que reacciona aos diferentes ph.

Canto aprendemos de cienca xogando!!

Taumátropo

 Continuando co noso ciclo de experimentos no marco da celebración do 11 de febreiro, día internacional da nena e a muller na ciencia. Hoxe queremos mostrarvos un experimento moi especial...

 

 

Así de felices estabamos, xogando e aprendendo sobre cine e sobre ciencia!!

Lámpada de lava

     Continuamos cos experimentos deste mes, e hoxe presentámosvos un que nos gustou e sorprendeu moito, pois non esperabamos o resultado...

   Moi concentrados fomos seguindo os pasos da mezcla dos elementos, facendo hipóteses do que podía suceder.

    Así de asombradas e asombrados quedamos ao ver a fermosura das burbullas subindo e baixando en dous elementos de diferente densidade: a auga e o aceite.

    A Ciencia é moi divertida!!!

O ciclo da auga

     Durante este mes de febreiro e con motivo da celebración do "día internacional da muller e da nena na ciencia", que se conmemora o 11 de febreiro, nas aulas de segundo imos realizar diferentes experimentos.

    O primeiro deles está relacionado co tema do ciclo da auga. A través deste experimento podemos ver de primeira man como a auga se evapora e volve caer coa baixada de temperatura.

                          Primeiro debuxamos unha paisaxe con auga  nunha bolsa de plástico.

                     Despois botamos auga e colorante, e pegámolas nas ventás para que reciban  o calor do sol.                              

  Agora toca agardar e ver que sucede!!!

2-F día da Candeloria

 Como ben sabedes, o 2 de febreiro celébrase o día da Candeloria, a festa da luz o día en que casan os paxariños...son moitas as tradicións relacionadas con esta data. 

 No cole gústanos celebrala como o día no que casan os paxariños, tradición oral que foi pasando de avós a netos e que nós querevos preservar.

Este ano, para conmemorar esta data, fixemos unhas casiñas de paxaros con material de refugallo. Casiñas que agardamos a mellor tempo para colgar no patio. 

 

Velaí vai unha montaxe ben fermosa do noso traballo!!!

 

 

 

25 N

     Estes días estivemos traballando nun mural colaborativo de infantil e primaria,  con motivo do 25 de novembro no que conmemoramos o "Día Internacional pola eliminación de todas as violencias contra a Muller". 

    O motivo central do mural é o verso "florecer nas espiñas", da canción "Cruel filosofía" da Banda da Loba, canción que traballamos na aula de música con motivo do 25N.

    Tamén elaboramos uns pequenos traballos onde se recollen fermosas palabras que non debemos esquecer nunca: respecto, diálogo, convivencia, igualdade...

    Por último, tras o acto diante do Concello, quixemos facer unha foto coas bolsas tan chulas que nos regalaron e que levan o lema "o amor non é ferir. Non sexas machista", para lembrarnos todos os días a necesidade de eliminar todo tipo de violencia contra a muller.

Dereitos da Infancia en Primeiro!!!

     As nenas e nenos de primeiro de primaria do cole quixemos conmemorar o  Día internacional dos Dereitos da Infancia cunhas bonitas grilandas onde se reflexaban os nosos dereitos.

Día Internacional dos Dereitos da Infancia

 Hoxe é 20 de novembro e conmemoramos o Día Internacional dos dereitos da Infancia. Con tal motivo, nas aulas de segundo, elaboramos uns murais e decidímonos a gravar este vídeo para que as nosas voces cheguen onde estes dereitos non son respectados.

 

NON DEBEMOS ESQUECELOS NUNCA!!!

A castaña que estoupou da risa.

    As nenas e os nenos de segundo de primaria ilustramos o conto "A castaña que estoupou da risa".  Como nos gustou tanto, decidimos contárvolo...

 Agardamos que vos guste!!!!

Celebramos o noso Samaín!!

 Ao longo dos últimos días estivemos decorando os nosos corredores con bruxas, morcegos, cabazas... queriamos un cole de mooooooito meeeeeedoooooo, porque hoxe  iamos vir ao cole coas nosas mellores galas terroríficas!!! 

Así de ben o pasamos!!

XORNADA INTERCENTROS

 O alumnado de 2º de Primaria e compis do CEIP Xeve, disfrutaron na mañá de hoxe dunha xornada de xogos e convivencia no noso centro. Unha actividade enmarcada dentro do Programa XOGADE.

Moitísimas grazas!

SAÍDA A APÍPOLIS

 O pasado 26 de abril, as aulas de primeiro e segundo de primaria fixemos unha saída extraescolar á granxa Apípolis. Durante as semanas anteriores estivemos traballando e coñecendo a importante labor das abellas, e o venres puidemos comprobar, de primeira man, todo o aprendido.

Fixemos varios talleres, aínda que o máis emocionante foi vestirnos de apicultoras e apicultores, entrar no apiario e sentir as abellas tan preto!!!

 

Aquí deixamos un breve resumo da xornada!
 

 

DÍA DA SAÚDE

 O Día 7 de Abril conmemoramos o Día Mundial da Saúde e este ano o lema que propón a Organización Mundial da saúde é "A MIÑA SAÚDE, O MEU DEREITO" para sensibilizar sobre a ameaza que supoñen os conflitos bélicos para a saúde das persoas.

 Desde o Proxecto de Prevención das Conductas Adictivas dos Concellos de Barro, Campo Lameiro, Cuntis, Moraña e Portas propoñen a realización deste cuestionario para reflexionar sobre a alimentación e os hábitos saudables.

Dia da Candeloria

 Hoxe, 2 de febreiro, é o día da Candeloria. Popularmente dise que casan os paxariños!! Tradición oral que recolle o espertar da natureza: medran os días, escoitamos o canto dos paxaros...

 Nas aulas de primeiro e segundo do colexio sabémolo moi ben, e decidimos celebrar esta data recollendo os refráns máis representativos.

Tamén fixemos unhs paxariños que colocamos no corredor de entrada do colexio, así de fermoso loce agora!!

SAÍDA CONCERTO ODAIKO EN ABANCA

Hoxe, as  aulas de primeiro e segundo de primaria do noso cole fomos a desfrutar da percusión de Odaiko no Auditorio de Afundación en Pontevedra. Pasámolo moi ben, mirade as nosas caras de ledicia!

 

 

Durante a actuación, os músicos pediron voluntarios, o noso compañeiro Kevin subiu ao escenario, mirade que profesional coa baqueta!

 

 

 

 

Deixámosvos unha foto de grupo, somos taaaan riquiños!!!
 

CESTIÑAS DE MAGOSTO

No primeiro ciclo fixemos unhas fermosas cestiñas para coller as castañas para a celebración do magosto do noso cole.

Utilizamos material de refugallo e son reutilizables cantas veces necesitemos, somos ben listiños!!