PEQUEN@S ARTISTAS EN BARRO 2

Os nenos e nenas de 1º e 2º presentámosvos os traballos que levamos a cabo no terceiro trimestre en PLÁSTICA  (sección bilingüe):

                                                         SPRING

                                  

                                  

        

       

KANDINSKY

                                        

                          

     

    

ACUARELAS

PEQUEN@S ARTISTAS EN BARRO

As nenas e os nenos de primeiro e segundo estamos traballando, ao longo deste curso, a distintos artistas para entender mellor a arte que nos rodea. Despois de investigar sobre a súa vida e o seu estilo artístico, tratamos de debuxar as nosas propias obras inspiradas nas súas creacións. 

Esperamos que vos gusten !!!

                                              JOAN  MIRÓ

                                          FRIDA KAHLO

                                         PIET MONDRIAN

A VENDIMA E O OUTONO

 A VENDIMA E O OUTONO

Como moitas nenas e nenos colaboramos na vendima coas nosas familias, estivemos buscando información sobre esta actividade tan importante no noso concello. Investigamos sobre a vide, nomes de variedades de uva, aparellos, maquinaria que se utiliza e, ademais do viño, que outras elaboracións podemos facer coas uvas.

Tamén estivemos a falar do outono e as colleitas que se levan a cabo nesta época do ano (recollemos o millo, as fabas, as cabazas...) E, de paso, aprendimos poesías, adiviñas e refráns sobre a vendima e o outono.

Aquí podedes escoitalas:

CREACIÓNS DE NADAL

O alumnado de segundo está metido de cheo na época máis máxica do ano, e para comezar a celebralo fixeron unhas magníficas creacións onde contan a historia dun  Papá Noel ao que se lle cambiou a cor do seu traxe.

COÑECÉMONOS POR DENTRO

En 2º de primaria estamos a profundar sobre o coñecemento do noso corpo. Para iso estivemos facendo uns magníficos lapbooks sobre todo o que coñecemos sobre o noso interior. 

A maiores, estivemos traballando cunha camiseta en 3D para poder ver de xeito máis realista como somos por dentro.

Aquí deixamos esta experiencia:

CREAMOS MANDALAS

O NOSO ALUMNADO DE SEGUNDO DE PRIMARIA CREOU UNS MARABILLOSOS MANDALAS QUE AXUDAN Á CONCENTRACIÓN DE ENERXÍA E Á RELAXACIÓN.
DEIXAMOS UN VÍDEO CON TODAS AS APORTACIÓNS. DESFRUTÁDEO!

ALUMNADO DE PRIMEIRO ENVIA CARTAS DE ÁNIMO PARA O PERSOAL SANITARIO.

Durante este período de confinamento, tivemos que adaptarnos a unha nova realidade educativa. Todo un reto que se fixo posible grazas á colaboración do alumnado, familias e profesorado.

Como docentes, cremos na idea de ofrecer ao alumnado actividades que supoñan unha aprendizaxe significativa, que promovan a reflexión, e a través das cales estea presente a emoción.

Hai unhas semanas, o mestre e a mestra de primeiro pediamos ao noso alumnado que escribisen unha carta de apoio a todo o persoal sanitario. Cando recibimos as cartas, a través da nosa plataforma virtual, quedamos sorprendidas do cariño, tempo e esmero que se podía desprender a través dos seus escritos.

Como docentes orgullosos do traballo do noso alumnado non dubidamos en compartilo co persoal sanitario. Para iso, contamos co apoio dunha amiga que fixo de mensaxeira e as cartas puideron chegar ao seu destino.

Deixámosvos un vídeo onde podedes ver que sucede cando os sanitarios do Hospital Álvaro Cunqueiro reciben as cartas duns nenos e dunhas nenas que están empezando a súa andaina no mundo da escritura. Esperamos que isto os impulse e as impulse a seguir escribindo e, sobre todo, que o fagan dende a paixón.

#euquedonacasa