jueves, 7 de abril de 2022

BARRO NO CAMIÑO

Con motivo do ano Xacobeo, o centro está levando a cabo o proxecto Barro no Camiño, co fin de que o alumnado coñeza un pouco máis o Camiño de Santiago e a súa vinculación co concello de Barro.

Para iso, os nenos e nenas de 2º e 3º investigaron sobre o Camiño Portugués, plasmando toda a información nunha representación deste camiño no corredor das súas clases.







jueves, 31 de marzo de 2022

LIÑAS DO TEMPO SOBRE A CATÁSTROFE DO PRESTIGE

Para traballar liñas do tempo, o alumnado de 2º realizou unhas marabillosas liñas sobre a gran catástrofe que azotou Galicia no ano 2002: O afundimento do barco Prestige preto das costas galegas.

 



Fantástico traballo!!!

jueves, 17 de marzo de 2022

CONTACONTOS IGUALDADE

As familias contan: Vanesa non quere ser princesa             

Hoxe, os nenos e nenas de primeiro, recibimos a visita de Ana e Mónica, mamás de dous  compañeiros, que organizaron para nós este entretido contacontos sobre a igualdade. 



Moitas grazas, Ana! 

Moitas grazas, Mónica!

Pasámolo moi ben!!!

miércoles, 23 de febrero de 2022

DÍA DE ROSALÍA

Nas clases de 2º de Primaria, aproveitamos o PDI (Proxecto Documental Integrado) sobre o Camiño de Santiago para conmemorar o Día de Rosalía

En primeiro lugar, as nenas e nenos investigaron sobre a vida e obra de Rosalía. Logo, fixeron cos ozobots o tramo do Camiño de Santiago que vai dende o lugar de orixe de Rosalia, Padrón, ata a catedral de Santiago. En cada parada, atopábanse con información relacionada coa súa vida. 

Unha viaxe homenaxe apaixonante!!!





Recitamos tamén o fermoso poema Adeus ríos, adeus fontes. Velaquí o resultado:


martes, 22 de febrero de 2022

DÍA DA LINGUA MATERNA

O alumnado de 1º de Primaria conmemorou onte o Día da Lingua Materna cunha actividade de lectoescritura que consistiu en escribir verbas bonitas do idioma galego nos bocadillos que se utilizan para facer viñetas de cómic, memorizar a súa definición e explicala ás compañeiras e compañeiros.

Precioso traballo!!!



SAÍDA AOS MUSEOS DA CORUÑA

O alumnado de 2º de Primaria realizou a primeira das saídas deste curso, visitando os museos da cidade da Coruña.

Ademais, relacionándoo co camiño de Santiago, visitamos a Torre de Hércules, símbolo do camiño Inglés. 

Pasárono xenial! E, para mostra, aquí deixamos a proba: 


lunes, 21 de febrero de 2022

21 de febreiro, día da lingua materna

As nenas e nenos de 1º de Primaria quixeron celebrar o Día da 
Lingua Materna cunhas verbas bonitas. 
                                                Esperamos que gocedes con estes vídeos que fixeron.

        Feliz Día da Lingua Materna!!!💓💙💚