Ao longo do trimestre, estivemos traballando os inicios do cine, enmarcado no proxecto de centro "Cine de Barro". Para rematalo, coa axuda do auxiliar de conversa, Max, gravamos unha curta de cine mudo relacionada con Charles Chaplin.
Así que... tomade asento e poñédevos cómodas e cómodos!! Cine e acción!!!!!!
Encantounos ser actrices e actores por un día!!!!
Grazas profe Max pola túa axuda!!!!!
Durante estas últimas semanas, as aulas de segundo puidemos levar a cabo un proxecto que levabamos rumiando dende o inicio deste curso: ter unha hortiña escolar. Grazas ao bo facer da ANPA, puidemos iniciar este proxecto.
Plantamos: tomates, leitugas, batatas e fresas...e como sabemos que as flores son importantes para atraer polinizadores, tamén plantamos semprevivas, caléndulas e diversas aromáticas.
.jpg)
Coidámola todos os días: regamos, miramos que os froitos medren correctamente, arrincamos algunha herba...tamén invitamos a irse a algún caracol que devece por comer as nosas leitugas...
Para recoñecer ben as plantas, elaboramos carteis cos seus nomes...en tres idiomas!!
E...mirade!!
Xa recolectamos os nosos primeiros froitos!!!
O pasado luns fixemos a nosa excursión de fin de curso. O destino foi a Ecogranxa Atalaia. Ademais dunha contorna espectacular en plena natureza, puidemos realizar 4 obradoiros: "bautismo hípico", "granxeiro", "plantamos na horta" e "xincana".
Deixámosvos un resumo fotográfico deste día tan completo!!
Onte foi o Día Internacional da Familia, para conmemoralo, nas aulas de segundo elaboramos unha fermosa tarxeta cunha sorpresiña...
No interior da mesma había un cachiño de papel-cartón reciclado por nós mesmos que levaba unhas sementes de margaridas para plantar nun lugar especial en familia.
Así de felices posamos coas nosas tarxetas!!
FELIZ DÍA DA FAMILIA!!
Ao longo do trimestre o traballo de Ciencias Naturais nas aulas de segundo centrouse en contidos de fauna e flora. Como somos unhas apaixonadas e apaixonados dos animais, decidimos facer un traballo investigación sobre a clasificación dos animais. Plasmámolo nestes lapbooks que agora mostramos:
CANTO APRENDEMOS!!!
Co gallo do Día internacional da Poesía, nas aulas de segundo do colexio preparamos e recitamos a cantiga popular "unha vella tiña un can".
Coa axuda do profe Max fixemos un video que queremos mostrarvos, velaí o noso traballo!!!
Hoxe, continuando co noso ciclo de experimentos, aprendemos moito sobre a química. As nosas profes trouxeron "zume de col lombarda" e xogamos a mesturala con diferentes elementos presentes no noso día con diferente acidez (ph): limón, auga, bicarbonato, vinagre e lixivia (este último manipulouno unha profe).
.jpg)
Canto aprendemos de cienca xogando!!
Continuando co noso ciclo de experimentos no marco da celebración do 11 de febreiro, día internacional da nena e a muller na ciencia. Hoxe queremos mostrarvos un experimento moi especial...
Continuamos cos experimentos deste mes, e hoxe presentámosvos un que nos gustou e sorprendeu moito, pois non esperabamos o resultado...
A Ciencia é moi divertida!!!
Durante este mes de febreiro e con motivo da celebración do "día internacional da muller e da nena na ciencia", que se conmemora o 11 de febreiro, nas aulas de segundo imos realizar diferentes experimentos.
O primeiro deles está relacionado co tema do ciclo da auga. A través deste experimento podemos ver de primeira man como a auga se evapora e volve caer coa baixada de temperatura.
Agora toca agardar e ver que sucede!!!
Como ben sabedes, o 2 de febreiro celébrase o día da Candeloria, a festa da luz o día en que casan os paxariños...son moitas as tradicións relacionadas con esta data.
No cole gústanos celebrala como o día no que casan os paxariños, tradición oral que foi pasando de avós a netos e que nós querevos preservar.
Este ano, para conmemorar esta data, fixemos unhas casiñas de paxaros con material de refugallo. Casiñas que agardamos a mellor tempo para colgar no patio.
Velaí vai unha montaxe ben fermosa do noso traballo!!!
Estes días estivemos traballando nun mural colaborativo de infantil e primaria, con motivo do 25 de novembro no que conmemoramos o "Día Internacional pola eliminación de todas as violencias contra a Muller".
O motivo central do mural é o verso "florecer nas espiñas", da canción "Cruel filosofía" da Banda da Loba, canción que traballamos na aula de música con motivo do 25N.
Tamén elaboramos uns pequenos traballos onde se recollen fermosas palabras que non debemos esquecer nunca: respecto, diálogo, convivencia, igualdade...
Por último, tras o acto diante do Concello, quixemos facer unha foto coas bolsas tan chulas que nos regalaron e que levan o lema "o amor non é ferir. Non sexas machista", para lembrarnos todos os días a necesidade de eliminar todo tipo de violencia contra a muller.
As nenas e nenos de primeiro de primaria do cole quixemos conmemorar o Día internacional dos Dereitos da Infancia cunhas bonitas grilandas onde se reflexaban os nosos dereitos.
Hoxe é 20 de novembro e conmemoramos o Día Internacional dos dereitos da Infancia. Con tal motivo, nas aulas de segundo, elaboramos uns murais e decidímonos a gravar este vídeo para que as nosas voces cheguen onde estes dereitos non son respectados.
NON DEBEMOS ESQUECELOS NUNCA!!!
O venres, as aulas de primeiro e segundo de primaria do cole, asistimos ao teatro no auditorio da Sede Afundación de Pontevedra. Fomos ver a obra "Ninja" de Teatro dos Ghadafelhos, sobre o acoso escolar.
Ao rematar a obra, merendamos na propia Sede, pois chovía, despois regresamos ao colexio.
PASÁMOLO MOI BEN!!!
Ao longo dos últimos días estivemos decorando os nosos corredores con bruxas, morcegos, cabazas... queriamos un cole de mooooooito meeeeeedoooooo, porque hoxe iamos vir ao cole coas nosas mellores galas terroríficas!!!
Así de ben o pasamos!!
Hoxe, as nenas e os nenos de primeiro de primaria do cole podemos presumir que sabemos un pouco máis de guepardos, grazas á visita de Rubén Portas (padriño de Manu de 1ºB).
Rubén tivo a amabilidade de vir pasar con nós unhas horiñas para falar do seu interesante traballo. Vive en Namibia e forma parte do "Proxecto Guepardo", do Instituto Leibniz de Berlín. A súa labor consiste en censar a poboación desta especie, investigar as súas costumes e colaborar na súa protección, posto que é un animal en perigo de extinción.
Durante a súa charla puidemos aprender a diferenzar guepardos e leopardos, explicounos polo miúdo que se fai cun guepardo cando é capturado para o seu estudo, como se coloca un colar con GPS, e se lle extraen mostras de sangue. E como, ao rematar, se administra un antídoto para que esperte.
.jpg)
A través do visionado de vídeos observamos escenas deste gran felino en estado de liberdade. Tamén nos explicou a importancia de preservar o hábitat natural de todos os seres vivos.
.jpg)
Moitas grazas, Rubén, por vir compartir con nós a túa labor e o teu saber.
Grazas por achegarnos un pedaciño de África en forma de guepardo!
O pasado 26 de abril, as aulas de primeiro e segundo de primaria fixemos unha saída extraescolar á granxa Apípolis. Durante as semanas anteriores estivemos traballando e coñecendo a importante labor das abellas, e o venres puidemos comprobar, de primeira man, todo o aprendido.
Fixemos varios talleres, aínda que o máis emocionante foi vestirnos de apicultoras e apicultores, entrar no apiario e sentir as abellas tan preto!!!
Aquí deixamos un breve resumo da xornada!
Hoxe, 2 de febreiro, é o día da Candeloria. Popularmente dise que casan os paxariños!! Tradición oral que recolle o espertar da natureza: medran os días, escoitamos o canto dos paxaros...
Nas aulas de primeiro e segundo do colexio sabémolo moi ben, e decidimos celebrar esta data recollendo os refráns máis representativos.
Tamén fixemos unhs paxariños que colocamos no corredor de entrada do colexio, así de fermoso loce agora!!
