OS INVENTOS

Ao longo deste proxecto, o alumnado de 1º e 2º de Primaria, estivemos moi ocupados investigando sobre os inventos e facendo pequenas presentacións @s nos@s compañeir@s.

Sabedes o que máis nos gustou?  

Buscar fotos dos inventos en internet e ver como foron evolucionando co paso do tempo.

                                         

                                         

  

  

  

  

  

  

  

  

   

     

    

    

    

   

EXCURSIÓN AO ACUARIO DO GROVE

Os nenos e nenas de primeiro desfrutaron dun magnífico día de excursión ao acuario do Grove con viaxe en catamarán incluída.⛵

Para comezar o día, fixemos unha rutiña en barco pola ría. A brisa do mar, as gaivotas que nos seguían, a música, o visionado do fondo mariño e a explicación dos monitores fixeron que a travesía fora unha experiencia moi agradable e inesquecible.

Unha vez en terra, dirixímonos ao Acuario 🐠onde vimos moitas especies mariñas e enterámonos de moitísimas cousas interesantes sobre elas. 

Por último, voltamos en bus para o colexio, despois de pasar un día marabilloso.

Velaquí algúns momentos compartidos!!!

CONTACONTOS IGUALDADE

As familias contan: Vanesa non quere ser princesa             

Hoxe, os nenos e nenas de primeiro, recibimos a visita de Ana e Mónica, mamás de dous  compañeiros, que organizaron para nós este entretido contacontos sobre a igualdade. 

Moitas grazas, Ana! 

Moitas grazas, Mónica!

Pasámolo moi ben!!!

21 de febreiro, día da lingua materna

As nenas e nenos de 1º de Primaria quixeron celebrar o Día da 

Lingua Materna cunhas verbas bonitas. 

                                                Esperamos que gocedes con estes vídeos que fixeron.

        Feliz Día da Lingua Materna!!!💓💙💚               

Feliz día da Paz

 As nenas e nenos de 1º A e 1º B  quixeron celebrar o día da Paz facendo un mural e unhas pombas cunhas verbas bonitas.

Esperamos que vos gusten!

 Feliz día da Paz💙!

Comezamos na lectura

As nenas e nenos de 1ºA e 1ºB estamos a dar os nosos primeiros pasos na lectura cos contos de letrilandia e tamén coa axuda do monosílabo. 

Deixámosvos aquí esta pequena presentación para que nos coñezades.  

ÚLTIMO PROGRAMA BARRENSES VIAXEIR@S

O alumnado de 1º quixo despedir o curso co derradeiro programa de Barrenses Viaxeir@s deste ano. 

Velaquí os froitos:

SAÍDA A BAROSA

O alumnado de 1º de Primaria celebrou o fin de curso realizando unha saída a Barosa. Alí fixeron unha ruta dende a cascada ata os muíños. E despois, tiveron tempo de xogar e incluso de mollarse un chisquiño no río. 

Pasárono en grande!!! 

Aquí deixamos a proba: 

 

ZOO VIRTUAL DE BARRO

Seguindo co proxecto deste curso, "Barrenses Viaxeir@s", o alumnado de 1º e 2º de Primaria creou un zoo virtual que está situado no arboredo próximo ao colexio. 

Se vos animades a visitalo, veredes que en cada un dos paneis, clasificados por continentes, atópase información das diferentes especies amosadas e dous códigos QR. Escaneándoos poderedes ver un vídeo no que os rapaces e rapazas explican curiosidades acerca do animal e, por outra parte, ver o animal en realidade aumentada e, incluso, interactuar e sacarvos unha foto con el!

Aquí deixamos un pequeno resumo do que podedes ver, e como o alumnado destes cursos gozou do traballo feito:

Queremos agradecer a colaboración e a implicación do Concello por proporcionarnos os recursos que nos permitiron conseguir este gran resultado. Por outra parte, tamén agradecemos a Breixo, alumno de 2ºB, e á súa familia a gran axuda á hora de confeccionar os carteis dos continentes.

COÑECEMOS A NOSA LIÑA DO TEMPO

O alumnado de 1º estivo a traballar o que son as liñas do tempo e para que serven. Despois, as nenas e nenos fixeron a súa liña do tempo para coñecer os seus primeiros anos de vida. 

Os resultados foron xeniais! Aquí vos quedan:

MOITÍSIMAS GRAZAS, FAMILIAS, POLA VOSA COLABORACIÓN!!!

2º PROGRAMA BARRENSES VIAXEIR@S

Despois de traballar as distintas partes do cole e cal é a función de toda a xente que traballa nel, os nenos e nenas de 1º creamos o 2º programa de BARRENSES VIAXEIR@S. 

Aquí o deixamos: 

Moitísimas grazas a todas as persoas que colaborastes!!!

DÍA DA MULLER NA CIENCIA

 O alumnado de 1º curso celebrou o día da Muller na Ciencia coñecendo algunha das mulleres que decidiron loitar polos seus soños, derrubando todas as barreiras que a sociedade lle poñía.

Moitas delas chegaron a ser astronautas, descubridoras de elementos como o polonio ou o radio ou grandes investigadoras de vacinas contra virus como o da variola.

Aquí deixamos o seu traballo: 

CELEBRAMOS A CANDELORIA

O alumnado de primero quixo celebrar unha das tradicións máis arraigadas de Barro: o día da Candeloria.

Para iso, as nenas e nenos fixeron unha investigación previa nas súas casas, onde preguntaron ás súas familias que se celebraba e cal era o motivo da celebración. 

Din que pola Candeloria casan os paxariños... 

Pois aquí deixamos os paxariños de 1º acompañados duns refráns que se poden ver nos códigos QR que colgan en cada un deles:

Ademais non nos puido vir mellor a casa para os paxariños que elaborou Elba coa axuda da súa familia. 

FELIZ DÍA DA CANDELORIA!

CHEGOU O NADAL

Chegou a época máis máxica do ano e o alumnado de primeiro está metido de cheo nela. 

Para celebrala, estivemos elaborando ambientación para a clase e realizando algo moi importante: A Carta aos Reis Magos. 

Por aquí deixamos os resultados: 

OUTONO

As nenas e nenos de 1º estiveron traballando estas semanas nun lapbook do outono. Nel buscaron información sobre as características básicas desta estación. Aquí deixamos os resultados:

COMEZAMOS

O alumnado de 1º de Primaria comezou o curso con moitas ganas e ilusión. Unha das primeiras cousas que fixeron foi traballar as palabras máxicas da educación. 

Para iso, falamos en asemblea da necesidade de ter mostras de educación diarias e cales eran aquelas palabras que tiñamos que ter no noso vocabulario un día si e outro tamén. As conclusións ás que chegamos mostrámovolas de seguido: 

Prestade atención. Vémonos pronto!

ALUMNADO DE PRIMEIRO ENVIA CARTAS DE ÁNIMO PARA O PERSOAL SANITARIO.

Durante este período de confinamento, tivemos que adaptarnos a unha nova realidade educativa. Todo un reto que se fixo posible grazas á colaboración do alumnado, familias e profesorado.

Como docentes, cremos na idea de ofrecer ao alumnado actividades que supoñan unha aprendizaxe significativa, que promovan a reflexión, e a través das cales estea presente a emoción.

Hai unhas semanas, o mestre e a mestra de primeiro pediamos ao noso alumnado que escribisen unha carta de apoio a todo o persoal sanitario. Cando recibimos as cartas, a través da nosa plataforma virtual, quedamos sorprendidas do cariño, tempo e esmero que se podía desprender a través dos seus escritos.

Como docentes orgullosos do traballo do noso alumnado non dubidamos en compartilo co persoal sanitario. Para iso, contamos co apoio dunha amiga que fixo de mensaxeira e as cartas puideron chegar ao seu destino.

Deixámosvos un vídeo onde podedes ver que sucede cando os sanitarios do Hospital Álvaro Cunqueiro reciben as cartas duns nenos e dunhas nenas que están empezando a súa andaina no mundo da escritura. Esperamos que isto os impulse e as impulse a seguir escribindo e, sobre todo, que o fagan dende a paixón.

#euquedonacasa

Superheroínas e superheroes tamén durante a corentena

Algunhas das nenas e dos nenos de primeiro quixeron compartir con nós como estaban a levar a corentena. Como podedes ver neste vídeo, están feitas unhas superheroínas e uns superheroes!

#euquedonacasa

SAÍDA A PONTEVEDRA

Os nenos e nenas de 1º e 2º de Primaria viaxamos a Pontevedra o venres para ver a representación da obra "Safari" na sede de Afundación en Pontevedra. 

Gustounos moitísimo a todos e a todas, alumnado e profesorado, polo ben que souberon captar a nosa atención dende o principio ao final. O dinamismo na representación, os decorados e os orixinais cambios do mesmo, a forma de tratar o tema do acoso e facernos pensar no día a día de cada un de nós. Foi fantástica!

Ao remate da función demos un paseo pola zona vella de Pontevedra e parámonos nalgunhas prazas antes de ir a merendar: Peregrina, Ferrería, Eirado da Leña e finalmente a Pedreira.

Visitamos tamén o Mercado, desde arriba e paseando polas distintas zonas: Peixaría, Floraría, Froitería e Carnizarías. Ao final, déronnos como agasallo un libro sobre as tendas e produtos do mercado.

Para rematar a mañá de visitas, fixemos unha curta parada nun parque mentras esperabamos que nos recolleran os autobuses.

Pasámolo moi ben e aprendemos unha chea de cousas!!!