A nosa horta

 Durante estas últimas semanas, as aulas de segundo puidemos levar a cabo un proxecto que levabamos rumiando dende o inicio deste curso: ter unha hortiña escolar. Grazas ao bo facer da ANPA, puidemos iniciar este proxecto.

 

Plantamos: tomates, leitugas, batatas e fresas...e como sabemos que as flores son importantes para atraer polinizadores, tamén plantamos semprevivas, caléndulas e diversas aromáticas.

       

 Coidámola todos os días: regamos, miramos que os froitos medren correctamente, arrincamos algunha herba...tamén invitamos a irse a algún caracol que devece por comer as nosas leitugas...

 Para recoñecer ben as plantas, elaboramos carteis cos seus nomes...en tres idiomas!!

 E...mirade!! 

Xa recolectamos os nosos primeiros froitos!!!

É a col lombarda un medidor de ph natural?

 Hoxe, continuando co noso ciclo de experimentos, aprendemos moito sobre a química. As nosas profes trouxeron "zume de col lombarda" e xogamos a mesturala con diferentes elementos presentes no noso día con diferente acidez (ph): limón, auga, bicarbonato, vinagre e lixivia (este último manipulouno unha profe). 

 A cor natural da lombarda foi mudando en función do ph de cada elemento!! quedamos abraiados coa cor vermella da interacción do vinagre coa lombarda, ou da azul co bicarbonato!! Podemos afirmar que a auga de col lombarda é un medidor natural de ph. Isto débese a un componente que se chama antocianina que reacciona aos diferentes ph.

Canto aprendemos de cienca xogando!!

E ti...canto sabes de guepardos?

 Hoxe, as nenas e os nenos de primeiro de primaria do cole podemos presumir que sabemos un pouco máis de guepardos, grazas á visita de Rubén Portas (padriño de Manu de 1ºB). 

Rubén tivo a amabilidade de vir pasar con nós unhas horiñas para falar do seu interesante traballo. Vive en Namibia e forma parte do "Proxecto Guepardo", do Instituto Leibniz de Berlín. A súa labor consiste en censar a poboación desta especie, investigar as súas costumes e colaborar na súa protección, posto que é un animal en perigo de extinción.

Durante a súa charla puidemos aprender a diferenzar guepardos e leopardos, explicounos polo miúdo que se fai cun guepardo cando é capturado para o seu estudo, como se coloca un colar con GPS, e se lle extraen mostras de sangue. E como, ao rematar, se administra un antídoto para que esperte.

A través do visionado de vídeos observamos escenas deste gran felino en estado de liberdade. Tamén nos explicou a importancia de preservar o hábitat natural de todos os seres vivos.

Moitas grazas, Rubén, por vir compartir con nós a túa labor e o teu saber.

 Grazas por achegarnos un pedaciño de África en forma de guepardo!

 

"UNHA SOA TERRA"

Para conmemorar o Día Mundial do Medio Ambiente, o alumnado de 2º realizou un fermoso mural con materiais reutilizados baixo o lema 

"UNHA SOA TERRA"

Ademais, desenvolveron outras actividades en relación a esta data conmemorativa tan importante. Prestade moita atención, xa que durante esta semana compartirémolas con vós.

LIÑAS DO TEMPO SOBRE A CATÁSTROFE DO PRESTIGE

Para traballar liñas do tempo, o alumnado de 2º realizou unhas marabillosas liñas sobre a gran catástrofe que azotou Galicia no ano 2002: O afundimento do barco Prestige preto das costas galegas.

 

Fantástico traballo!!!

ÚLTIMO PROGRAMA BARRENSES VIAXEIR@S

O alumnado de 1º quixo despedir o curso co derradeiro programa de Barrenses Viaxeir@s deste ano. 

Velaquí os froitos:

RECOLLEMOS LIXO POR BARRO

Dentro da materia de ciencias, os nenos e nenas de 1º fomos recoller lixo pola contorna do concello. 

Deste xeito, traballamos a concienciación sobre o medio e a contorna, así como a importancia de poñer en práctica a regra dos tres R.

 MOI BO TRABALLO NENAS E NENOS!

ZOO VIRTUAL DE BARRO

Seguindo co proxecto deste curso, "Barrenses Viaxeir@s", o alumnado de 1º e 2º de Primaria creou un zoo virtual que está situado no arboredo próximo ao colexio. 

Se vos animades a visitalo, veredes que en cada un dos paneis, clasificados por continentes, atópase información das diferentes especies amosadas e dous códigos QR. Escaneándoos poderedes ver un vídeo no que os rapaces e rapazas explican curiosidades acerca do animal e, por outra parte, ver o animal en realidade aumentada e, incluso, interactuar e sacarvos unha foto con el!

Aquí deixamos un pequeno resumo do que podedes ver, e como o alumnado destes cursos gozou do traballo feito:

Queremos agradecer a colaboración e a implicación do Concello por proporcionarnos os recursos que nos permitiron conseguir este gran resultado. Por outra parte, tamén agradecemos a Breixo, alumno de 2ºB, e á súa familia a gran axuda á hora de confeccionar os carteis dos continentes.

Barrenses Viaxeir@s: "Mergullámonos no noso corpo"

Este curso, o alumnado de 1º mergullouse nun proxecto televisivo, "Barrenses Viaxeir@s" así se chama. 

Nel, os nenos e nenas irán periodicamente presentando programas que se ambientan en Barro e a súa contorna. O primeiro dos programas xa está listo para vós. Aquí volo deixamos:

Prestade moita atención pois o próximo xa o temos en marcha!

OUTONO

As nenas e nenos de 1º estiveron traballando estas semanas nun lapbook do outono. Nel buscaron información sobre as características básicas desta estación. Aquí deixamos os resultados:

COMEMOS SAUDABLE?

O alumnado de 1º de Primaria, dentro do proxecto "A maxia do meu corpo", está a traballar a necesidade dunha alimentación adecuada. Para iso, unha das actividades que levaron a cabo foi a creación dun prato saudable, onde plasmaron todo o aprendido na unidade.

Aquí deixamos os resultados:

Finalizamos o proxecto das plantas!

O proxecto das plantas que realizamos ao longo deste segundo trimestre foi rematado e o alumnado de 1º xa está mergullado noutro proxecto, neste caso acerca de animais, que aínda que dunha forma diferente á prevista será levado a cabo!

Ao longo destas últimas semanas, as nenas e os nenos aprenderon e investigaron acerca de diferentes aspectos das plantas e finalmente elaboraron uns carteis coa información das distintas especies vexetais do noso patio. Estes carteis colocaranse á volta ao lado de cada planta coa finalidade de que todas e todos poidan identificalas e recordalas.

Deixámosvos por aquí unhas fotografías do alumnado ao longo de todo o proceso de aprendizaxe e creación!

APRENDEMOS AS PARTES DAS PLANTAS CO ROBOT

Nenos e nenas de 1º A e B aprenden as partes das plantas a través dun xogo de robótica.
Aprenderon e o pasaron xenial!

EXPERT@S EN DENTES!!!

Como colofón ao proxecto "Por que se caen os dentes?" , estos días como expertos e expertas no tema demos unhas charlas aos compañeiros e compañeiras de 1º EP.
Gustounos moito a experiencia!! Deixamos unhas fotos para que as vexades.

FELICES FESTAS!!!

QUE RICA BROCHETA!!!

Despois de facer a compra no super.... elaboramos unha rica e saudable brocheta de froita!!!!
Pasámolo xenial !!! Neste vídeo podes ver o ben que o pasamos!!!

VISITAMOS O SUPERMERCADO

Dentro do proxecto " Por que nos caen os dentes?", a semana pasada visitamos o Eroski para coñecer de cerca alimentos saudables e facer unha pequena compra para elaborar unha receita saudable.

 

Rematamos o proxecto do outono!

O alumnado de 1ºA e de 1ºB estivo traballando durante estas semanas nun interesantísimo proxecto sobre o outono, indagando acerca das intereses e curiosidades que os propios rapaces e rapazas amosaron inicialmente: por que chove máis, cal é a orixe do Magosto, que alimentos temos no outono, como se comportan os animais no outono, por que as árbores perden as follas... 

Tras unha profunda investigación, os diferentes grupos realizaron "lapbooks" ou libros de solapas nos que amosan dun xeito diferente e innovador todo o que aprenderon. Decidimos colgar estes "lapbooks" nos corredores do cole e incluso poñerlles un código QR para acceder ao blog, de forma que podamos compartir aínda máis as nosas aprendizaxes e os nosos descubrimentos! 

Ademais, os diferentes grupos empregaron as tablets da biblio para gravar vídeos nos que explican todo o que aprenderon e realizaron.

1ºA:

1ºB:

LAPBOOKS DO OUTONO

Despois de moito traballar e investigar, recollemos en distintos lapbooks a información do que queriamos saber do outono: Por que se caen as follas? Por que baixa a temperatura? Por que cambian de cor as follas? Por que caen os ourizos dos castiñeiros no outono?

EXPERIMENTAMOS NAS CIENCIAS

Neste trimestre estivemos investigando sobre o outono. Como estabamos moi interesados/as en saber o motivo do cambio de cor das follas nesta estación do ano, fixemos un experimento para separar os pigmentos das follas do outono. Puidemos ver que estas follas perden a clorofila e as follas verdes tamén teñen pigmentos amarelos pero a clorofila os enmascara.

OS NOSOS GLADÍOLOS

Despois de varias semanas e moitos mimos e agarimos, naceron e medraron uns fermosos gladíolos...Agora nas casas dos nenos e nenas toca florecer!!