BO NADAL!!!

 Os nenos de 2º A quixeron despedir o trimestre cantando unhas panxoliñas!!!!

BO NADAL!!!!

DESPEDIMOS O TRIMESTRE

As nenas e nenos de 1º quixeron despedir o trimestre por todo o alto: celebrando unha festa pre fin de ano. Ademais, tiveron unha mensaxe sorpresa de Papá Noel que lles fixo moita ilusión. 

E, aínda que este ano foi moi diferente pola situación epidemiolóxica que estamos a vivir, desfrutárono moito. Aquí deixamos as probas: 

Vémonos á volta! 

Boas festas!!!

Barrenses viaxeir@s - "A organización e os oficios de Barro" (2ºA e 2ºB)

Xa están aquí os vídeos do segundo programa de "Barrenses Viaxeir@s". Durante as últimas semanas, o alumnado de segundo estivo investigando acerca de como se organiza Barro e que oficios hai na nosa vila. Aqui tendes o resultado! Esperamos que vos guste!

CHEGOU O NADAL

Chegou a época máis máxica do ano e o alumnado de primeiro está metido de cheo nela. 

Para celebrala, estivemos elaborando ambientación para a clase e realizando algo moi importante: A Carta aos Reis Magos. 

Por aquí deixamos os resultados: 

Coñecemos os lugares de Barro e os seus oficios xogando co Beebot!

Os rapaces e rapazas de 2º A e 2º B repasaron os oficios de Barro dun xeito moi divertido: xogando co noso particular robot - abella, o Beebot! Un xogo divertido e completo!

No seguinte vídeo podedes ver en que consiste e o ben que o pasaron:

Visita ao alcalde

Os nenos e nenas de 2ºA fomos visitar ao alcalde este xoves. Estivemos a traballar os oficios en Barro e queríamos saber que é o que facía un alcalde no seu día a día e, en especial, o do noso concello. Fixéronlle moitas preguntas sobre o seu labor, ás cales contestou moi amablemente. Ensináronlle os traballos que realizaron sobre o alcalde e o concello e felicitounos a todos. 

MOITÍSIMAS GRAZAS, SEÑOR ALCALDE!!!

Neste colexio encaixamos tod@s! - Día Internacional das persoas con discapacidade - Charla con Pablo Cimadevila

Hoxe conmemórase o Día Internacional das Persoas con Discapacidade e, en 2º de Primaria, non quixemos deixar pasar a oportunidade de lembrar a eses heroes e a esas heroínas que nos poden ensinar tanto da vida. 

Tivemos o pracer e o luxo de entrevistar a un deses heroes, Pablo Cimadevila. Pablo é un nadador paralímpico pontevedrés que gañou múltiples medallas en campionatos europeos, mundiais e Xogos Paralímpicos e que agora desfruta dedicándose ao deseño de xoiería, outra das súas paixóns, na que é tan bo como nadando! Se queredes comprobalo, podedes acceder á súa canle de YouTube, na que conta con nada menos que 4´5 millóns de subscriptores!!! 😳😱

Deixámovos por aquí algunhas das imaxes da conmemoración e un fragmento da entrevista con Pablo Cimadevila que serve para amosarnos a súa calidade humana.

Moitísimas grazas Pablo pola "clase de vida" que, coma ti mesmo dixeches, é aínda máis importante que unha clase de matemáticas ou de lingua. Quedou claro que es moi bo nadador e moi bo deseñador de xoias, pero o que é máis importante é que es unha persoa marabillosa! 

Moitísimas grazas por ser un exemplo para todas e todos nós, profes incluíd@s!

Barrenses Viaxeir@s: "Mergullámonos no noso corpo"

Este curso, o alumnado de 1º mergullouse nun proxecto televisivo, "Barrenses Viaxeir@s" así se chama. 

Nel, os nenos e nenas irán periodicamente presentando programas que se ambientan en Barro e a súa contorna. O primeiro dos programas xa está listo para vós. Aquí volo deixamos:

Prestade moita atención pois o próximo xa o temos en marcha!

2º de primaria: Xa está aquí o programa "Barrenses Viaxeir@s", esta vez sobre os deportes de Barro!

O alumnado de 2º está traballando nun proxecto que consiste na rodaxe dun “programa de televisión” chamado “Barrenses Viaxeir@s”. En cada episodio, achegarémonos ao noso pobo dende un punto de vista concreto e, nesta primeira ocasión, centrámonos nos deportes do noso Concello. 

Podedes ver aquí dous fantásticos programas da man duns reporteiros e reporteiras moi especiais! Esperamos que vos gusten!

OUTONO

As nenas e nenos de 1º estiveron traballando estas semanas nun lapbook do outono. Nel buscaron información sobre as características básicas desta estación. Aquí deixamos os resultados:

O alumnado de 2ºB visita o Concello para entregarlle unha carta ao mismísimo alcalde!

Durante o proxecto dos deportes, os rapaces e as rapazas de 2ºB investigaron, entre outras cousas, acerca de cales eran os deportes que se podían practicar na vila e cales eran os que non. Para descubrilo, realizaron varias enquisas e concluíron que o que máis botan en falta é o patinaxe sobre xeo. Por iso, decidiron escribirlle unha carta ao alcalde pedíndolle que monte unha pista de xeo polo Nadal! 😱

Hoxe tivemos o pracer de reunirnos con él e de entregarlle a carta na man. Foi unha experiencia incrible na que aproveitamos para facerlle preguntas moi interesantes de cara ao noso novo proxecto, que comezamos nestes últimos días e no que tratamos a organización e os oficios do noso pobo.

Unha mañá diferente e inesquecible!

Moitísimas grazas, alcalde!!!

25 N nas clases de 2º.

Hoxe estivemos traballando o día 25N, Día Contra a Violencia de Xénero. Falamos do que se reivindica neste día e vimos un vídeo de Rosa Caramelo, un vídeo para traballar a igualdade e o respeto adicado aos máis pequenos e pequenas. Viñemos todos e todas de negro para manifestar a nosa repulsa e tristeza a todo acto de violencia e quixemos deixar constancia disto facéndonos unha foto final que aquí vos deixamos. 

NON MÁIS VIOLENCIA!!!

DÍA CONTRA A VIOLENCIA DE XÉNERO

 Para que que no futuro próximo non se teña que falar polas que non están: 

COMEMOS SAUDABLE?

O alumnado de 1º de Primaria, dentro do proxecto "A maxia do meu corpo", está a traballar a necesidade dunha alimentación adecuada. Para iso, unha das actividades que levaron a cabo foi a creación dun prato saudable, onde plasmaron todo o aprendido na unidade.

Aquí deixamos os resultados:

SAMAÍN

Hoxe, os nosos nenos e nenas de 1º celebraron un Samaín diferente, pero moi divertido. Grazas ás familias pola colaboración e implicación.

Aquí vos deixamos a proba: 

COMEZAMOS

O alumnado de 1º de Primaria comezou o curso con moitas ganas e ilusión. Unha das primeiras cousas que fixeron foi traballar as palabras máxicas da educación. 

Para iso, falamos en asemblea da necesidade de ter mostras de educación diarias e cales eran aquelas palabras que tiñamos que ter no noso vocabulario un día si e outro tamén. As conclusións ás que chegamos mostrámovolas de seguido: 

Prestade atención. Vémonos pronto!

Despedida do curso - Telexornais de animais

Moi boas a todos e a todas, chegou á hora de poñer o punto e final ao curso. Non é o final soñado por ninguén, pero a profe Ana e o profe Miguel non queremos irnos sen despedirnos e sen agradecervos todo o voso esforzo, paciencia e dedicación. Tedes moito mérito, tanto o alumnado como as familias, pois sen vós nada disto sería posible.

Por iso, decidimos investir un pouquiño máis de tempo e esforzo nestes últimos vídeos, os do telexornal, que creamos coas aportacións dos reporteiros e reporteiras máis guais que podía haber. Como a participación foi tan alta, para evitar que nos quedase un vídeo longuísimo, decidimos facer dous telexornais, un de 1ºA e outro de 1ºB. Aínda así, non son curtos, pero creo que vos pode valer a pena velos ata o final, pois están feitos con moitísimo cariño e teñen algunha que outra sorpresa.

ELABORAMOS RICAS RECEITAS

OS/AS NOSOS/AS QUERIDIÑOS E QUERIDIÑAS COCIÑEIROS/AS DE SEGUNDO ELABORARON UNHAS MAGNÍFICAS RECEITAS. DEIXÁMOSVOS UN VÍDEO NO QUE PODEDES VER O BEN QUE O FIXERON.

MOITAS GRAZAS POLAS VOSAS APORTACIÓNS!! SODES MAGNÍFICOS E MAGNÍFICAS!!!

CREAMOS MANDALAS

O NOSO ALUMNADO DE SEGUNDO DE PRIMARIA CREOU UNS MARABILLOSOS MANDALAS QUE AXUDAN Á CONCENTRACIÓN DE ENERXÍA E Á RELAXACIÓN.
DEIXAMOS UN VÍDEO CON TODAS AS APORTACIÓNS. DESFRUTÁDEO!

PALABRAS FAVORITAS DO GALEGO

AQUÍ VOS DEIXAMOS UN PEQUENO VÍDEO COAS PALABRAS FAVORITAS EN LINGUA GALEGA DO ALUMNADO DE 2º DE PRIMARIA, NO MARCO DUNHA ACTIVIDADE DESENVOLVIDA POLAS LETRAS GALEGAS.

A DISFRUTAR DO GALEGO!!!

SEGUNDA ENTREGA: CONTAMOS CONTOS DENDE AS CASAS

HOXE ENSINÁMOSVOS OS CONTOS DE MIRANDA E DAMIÁN. SEGURO QUE VOS GUSTARÁN TANTO COMO A NÓS.

ANIMÁDEVOS A ENVIAR OS VOSOS VÍDEOS!

#euquedonacasa

ALUMNADO DE PRIMEIRO ENVIA CARTAS DE ÁNIMO PARA O PERSOAL SANITARIO.

Durante este período de confinamento, tivemos que adaptarnos a unha nova realidade educativa. Todo un reto que se fixo posible grazas á colaboración do alumnado, familias e profesorado.

Como docentes, cremos na idea de ofrecer ao alumnado actividades que supoñan unha aprendizaxe significativa, que promovan a reflexión, e a través das cales estea presente a emoción.

Hai unhas semanas, o mestre e a mestra de primeiro pediamos ao noso alumnado que escribisen unha carta de apoio a todo o persoal sanitario. Cando recibimos as cartas, a través da nosa plataforma virtual, quedamos sorprendidas do cariño, tempo e esmero que se podía desprender a través dos seus escritos.

Como docentes orgullosos do traballo do noso alumnado non dubidamos en compartilo co persoal sanitario. Para iso, contamos co apoio dunha amiga que fixo de mensaxeira e as cartas puideron chegar ao seu destino.

Deixámosvos un vídeo onde podedes ver que sucede cando os sanitarios do Hospital Álvaro Cunqueiro reciben as cartas duns nenos e dunhas nenas que están empezando a súa andaina no mundo da escritura. Esperamos que isto os impulse e as impulse a seguir escribindo e, sobre todo, que o fagan dende a paixón.

#euquedonacasa

CONTAMOS CONTOS DENDE AS CASAS

PRIMEIRA ENTREGA:

HOXE DEIXÁMOSVOS OS VIDEOS DE ANTÍA E JORGE. FIXERON UNS CONTOS MOI CHULOS, A VER QUE VOS PARECEN.

ANIMÁDEVOS E ENVIADE OS VOSOS VIDEOS PARA COMPARTIR!!

#euquedonacasa

Superheroínas e superheroes tamén durante a corentena

Algunhas das nenas e dos nenos de primeiro quixeron compartir con nós como estaban a levar a corentena. Como podedes ver neste vídeo, están feitas unhas superheroínas e uns superheroes!

#euquedonacasa

Finalizamos o proxecto das plantas!

O proxecto das plantas que realizamos ao longo deste segundo trimestre foi rematado e o alumnado de 1º xa está mergullado noutro proxecto, neste caso acerca de animais, que aínda que dunha forma diferente á prevista será levado a cabo!

Ao longo destas últimas semanas, as nenas e os nenos aprenderon e investigaron acerca de diferentes aspectos das plantas e finalmente elaboraron uns carteis coa información das distintas especies vexetais do noso patio. Estes carteis colocaranse á volta ao lado de cada planta coa finalidade de que todas e todos poidan identificalas e recordalas.

Deixámosvos por aquí unhas fotografías do alumnado ao longo de todo o proceso de aprendizaxe e creación!

EXPERIMENTOS CON PLANTAS

Esta semana, Hugo trouxo á escola un experimento relacionado co proxecto das plantas.

Tinguimos a auga con distintas cores para ver como as plantas a través das raíces ou do seu talo absorben a auga.

Tamén creamos o noso propio diario de experimentos. 

Resultou un traballo moi interesante para as nosas pequenas científicas e pequenos científicos!

TODOS E TODAS A LER!

As nenas o os nenos de primeiro disfrutando do placer de ler en público. Saiu unha lectura cooperativa moi interesante. Puxeron en práctica todos os seus sentidos, especialmente o do tacto.
Gracias profe Pachú por este libro.

APRENDEMOS AS PARTES DAS PLANTAS CO ROBOT

Nenos e nenas de 1º A e B aprenden as partes das plantas a través dun xogo de robótica.
Aprenderon e o pasaron xenial!

SAÍDA A PONTEVEDRA

Os nenos e nenas de 1º e 2º de Primaria viaxamos a Pontevedra o venres para ver a representación da obra "Safari" na sede de Afundación en Pontevedra. 

Gustounos moitísimo a todos e a todas, alumnado e profesorado, polo ben que souberon captar a nosa atención dende o principio ao final. O dinamismo na representación, os decorados e os orixinais cambios do mesmo, a forma de tratar o tema do acoso e facernos pensar no día a día de cada un de nós. Foi fantástica!

Ao remate da función demos un paseo pola zona vella de Pontevedra e parámonos nalgunhas prazas antes de ir a merendar: Peregrina, Ferrería, Eirado da Leña e finalmente a Pedreira.

Visitamos tamén o Mercado, desde arriba e paseando polas distintas zonas: Peixaría, Floraría, Froitería e Carnizarías. Ao final, déronnos como agasallo un libro sobre as tendas e produtos do mercado.

Para rematar a mañá de visitas, fixemos unha curta parada nun parque mentras esperabamos que nos recolleran os autobuses.

Pasámolo moi ben e aprendemos unha chea de cousas!!!

Compartindo consellos de alimentación e hixiene

O alumnado de 1º e 5º de Primaria puxo en común os resultados dos seus últimos proxectos, nos que aprenderon a importancia da hixiene bucodental e dunha boa alimentación.

Os nenos e as nenas de 1º elaboraron uns cartaces con sinxelos consellos acerca do coidado dos dentes que serán expostos no comedor escolar, pero antes quixeron amosarllos ao alumnado de 5º, que tamén está a traballar esta temática.

Ao mesmo tempo, os rapaces e as rapazas de 5º explicáronlle aos máis pequenos e ás máis pequenas a pirámide alimentaria cun vistoso mural.

Finalmente, os maiores fixéronnos entrega do libro que elaboraron acerca das árbores de Barro, que servirá como punto de partida para o noso seguinte proxecto: as plantas.