KAMISHIBAI "MEMORIAS DUNHA GALIÑA"

Os alumnos e alumnas de 1º de Primaria estivemos este curso traballando co libro "Memorias de una gallina" de Concha López Narváez. E, como remate do proxecto "A Revolución", elaboramos  en galego un Kamishibai do libro traballado que presentamos a nenas e nenos doutros cursos. 
Podedes ver a continuación un vídeo que amosa o traballo feito polas crianzas.

EXCURSIÓN A MARCELLE

Fai uns días o alumnado de 1º e 2º de primaria fomos de excursión de fin de curso a Marcelle. Alí descubrimos un montón de animais e gozamos da convivencia en moi boa compañía. Pasámolo xenial!!!

OS NOSOS GLADÍOLOS

Despois de varias semanas e moitos mimos e agarimos, naceron e medraron uns fermosos gladíolos...Agora nas casas dos nenos e nenas toca florecer!!

A NOSA PLANTACIÓN

Como en primeiro estivemos estudando as plantas, decidimos facer unha pequena plantación de gladíolos, chícharos, perexil, menta...

Pasámolo moi ben!!!

Aquí podedes ver como desfrutamos.

EXPERIMENTAMOS!!!!

Mentras estivemos traballando as plantas fixemos un experimento para visualizar como se alimentan. E puidemos comprobar ao longo dos días como as plantas ían cambiando de cor.

SAÍMOS NA TVG CON BRAULIO

Emocionante conversa sobre a amizade mantida entre as nenas e nenos de 1º e Braulio, un dos irmáns da famosa familia dos Bolechas que vén de emitir na TVG. Premede na imaxe para ver o programa.

Podedes mirar no seguinte enlace como foi a súa visita no cole:

https://amorruibalprimeirociclo.blogspot.com/2018/10/gravacion-de-braulio-tuber.html

AS NOSAS MATRIARCAS

Con motivo do 8 de marzo (Día Internacional da Muller) as nenas e nenos de Primeiro de Primaria homenaxean ás mulleres presentes nas súas vidas, as que lle ensinan e mostran a súa resistencia e valentía a diario.

CHARLA 8 DE MARZO

O venres 8 de marzo, Día Internacional da Muller, as nenas e nenos de 1º e 2º de Primaria tiveron na Biblioteca do cole unha clase moi especial, impartida pola doutora Viviana, nai de Piero e Luca.

Viviana falou de cando era nena, do que lle gustaba facer e de como medrou e chegou a ser o que sempre quixo ser: Médica especialista en Xinecoloxía e Obstetricia.

Con ela aprendemos moitas cousas, vimos fotos chulísimas e pasámolo pipa cun xogo que tiña preparado para a cativada.

  

Antes de despedírmonos, o alumnado fíxolle a Viviana unha chea de preguntas e, de volta nas aulas, debuxou e falou sobre o tema.

Unha charla moi educativa e divertida!!!

Moitísimas grazas, Viviana!!!

ENTROIDO 2019

O venres pasado celebramos o desfile de entroido. Ao remate fixemos unhas fotos dos grupos. 

Mirade que guapos e guapas!!

 

Si queredes ler máis sobre o acontecido podedes mirar no blog de MIMI:

https://oblogdemimi.blogspot.com/2019/03/entroido-2019.html

O ENTROIDO EN... PRIMEIRO!!!

Pasámolo xenial estos últimos días no cole celebrando o Entroido. Primeiro, cumprindo os mandados da nosa mascota MIMI, e o venres, celebrándoo polo grande. Aquí vos deixamos unha chea de fotos para que vexades o guai que foi todo.

EU COCIÑO, TI COCIÑAS?

O noso alumnado de 1º e 2º de Primaria gozou onte, na Sede Afundación de Pontevedra, do marabilloso espectáculo musical de Mamá Cabra `Eu cociño, ti cociñas?´ con ingredientes moi especiais: Boa música, humor, ilusión, paixón e moito, moito amor.

Logo de merendar na Praza da Liberdade, a nosa rapazada pasouno pipa no novo parque infantil de Campolongo.

  

Unha saída redonda!!!

DÍA DE ROSALÍA 2019

Para celebrar o Día de Rosalía, as nenas e nenos de 1º e 2º de Primaria participamos no recitado colectivo do poema `Alborada´. Quedou chulísimo! Podedes velo no blog de MIMI:

https://oblogdemimi.blogspot.com/2019/02/alborada-de-rosalia-de-castro.html

E Felipe e Inés, que son o pai e a nai de Fiz, un neno de Infantil, viñeron ao colexio coa súa gaita e a súa pandeireta para tocar a `Alborada´. Fixérono de marabilla!!! 

Moitísimas grazas!!!

Botádelle un ollo ao vídeo premendo no seguinte enlace:

https://oblogdemimi.blogspot.com/2019/02/dia-de-rosalia-2019.html

PRESENTAMOS ÁS MAMÁS E AVOAS

O alumnado de primeiro estivo traballando a familia e presentaron as súas mamás e avoas.

Quedaron así  de ben!!

OS SENTIDOS

No primeiro trimestre, nas aulas de 1º de Primaria, aprendemos un montón sobre o CORPO HUMANO.

Para rematar o proxecto, elaboramos un Lapbook dos SENTIDOS.

Compartimos neste espazo unha mostra do traballo feito polo alumnado.

POLA IGUALDADE

Na conmemoración do 25N, os nenos e as nenas de 2º curso de Primaria escribiron e debuxaron pola IGUALDADE. 

Recolleron o seu traballo nestes cartaces.

 

O ALUMNADO DE PRIMEIRO CONTRA A VIOLENCIA DE XÉNERO

Os nenos e nenas de primeiro de primaria do CEIP Amor Ruibal decimos STOP Á VIOLENCIA !!!!

ENTREGA DO X PREMIO MIMI A MAMÁ CABRA

O venres pasado fomos á Nave da Música para a entrega do Premio MIMI a MAMÁ CABRA.

O que máis nos gustou foi cantar e bailar o "Baile da Paz" e "A miña tía", o neno disfrazado de MIMI e sacar fotos con MAMÁ CABRA. Cantan e tocan a mar de ben!

Ata outro día MAMÁ CABRA!!!

Máis información no blog de MIMI:

https://oblogdemimi.blogspot.com/2018/10/entrega-do-x-premio-mimi.html

GRAVACIÓN DE BRAULIO TUBER

As alumnas e alumnos de 1º de Educación Primaria vivimos hai uns días unha experiencia única como foi a participación na gravación do programa infantil da TVG "BRAULIO TUBER".
Esa mañá pasámolo xenial, fixemos como auténticas/os actrices e actores e vivimos en primeira persoa a gravación dun espazo televisivo.
Deixámosvos unhas fotos para que vexades o ben que o pasamos. E máis abaixo un pequeno resumo da nosa vivencia.