Barro no camiño

Este ano, as nenas e nenos de primeiro traballamos no proxecto "Barro no Camiño". Estudamos a vestimenta d@s peregrin@s, por onde vai o Camiño Portugués, por qué lugares das parroquias de Barro pasa, os seres vivos, tanto animais coma plantas, típicos deste camiño e moitas cousas máis. Como broche final, elaboramos un mural para o corredor de primeiro, onde todas as nenas e os nenos están situados no lugar onde viven, tratando de facer unha simulación o máis didáctica posible do mesmo. Incluimos regatos, fotos, vivendas, festas...

Un traballo en equipo dos dous grupos fantástico!!!

Esperamos que vos guste!!!

BARRO NO CAMIÑO

Con motivo do ano Xacobeo, o centro está levando a cabo o proxecto Barro no Camiño, co fin de que o alumnado coñeza un pouco máis o Camiño de Santiago e a súa vinculación co concello de Barro.

Para iso, os nenos e nenas de 2º e 3º investigaron sobre o Camiño Portugués, plasmando toda a información nunha representación deste camiño no corredor das súas clases.

DÍA DE ROSALÍA

Nas clases de 2º de Primaria, aproveitamos o PDI (Proxecto Documental Integrado) sobre o Camiño de Santiago para conmemorar o Día de Rosalía. 

En primeiro lugar, as nenas e nenos investigaron sobre a vida e obra de Rosalía. Logo, fixeron cos ozobots o tramo do Camiño de Santiago que vai dende o lugar de orixe de Rosalia, Padrón, ata a catedral de Santiago. En cada parada, atopábanse con información relacionada coa súa vida. 

Unha viaxe homenaxe apaixonante!!!

Recitamos tamén o fermoso poema Adeus ríos, adeus fontes. Velaquí o resultado:

SAÍDA AOS MUSEOS DA CORUÑA

O alumnado de 2º de Primaria realizou a primeira das saídas deste curso, visitando os museos da cidade da Coruña.

Ademais, relacionándoo co camiño de Santiago, visitamos a Torre de Hércules, símbolo do camiño Inglés. 

Pasárono xenial! E, para mostra, aquí deixamos a proba: 

21 de febreiro, día da lingua materna

As nenas e nenos de 1º de Primaria quixeron celebrar o Día da 

Lingua Materna cunhas verbas bonitas. 

                                                Esperamos que gocedes con estes vídeos que fixeron.

        Feliz Día da Lingua Materna!!!💓💙💚               

Actualización do vídeo de "Barrenses viaxeir@s - Coidamos Barro" do alumnado de 2ºB

O vídeo de 2ºB foi actualizado con algúns fragmentos engadidos que non podían quedar no tinteiro, esperemos que vos guste o resultado final!

Barrenses Viaxeir@s - Coidamos Barro - O último programa do alumnado de 2º

Os rapaces e rapazas de segundo de primaria culminan o seu proxecto "Barrenses Viaxeir@s" cuns programas finais no que falan da importancia do coidado do noso pobo. En Barro temos grandes atractivos como as fervenzas de Barosa e os petróglifos de Monte Bazar, pero para conservalos é importante coidar o noso medio ambiente. Estades listo para ver os derradeiros vídeos? Aquí os tedes!

Xa están aquí os novos programas de "Barrenses viaxeir@s" do alumnado de segundo!

Ao longo deste segundo trimestre estivemos investigando acerca dos seres vivos coa axuda do profe en prácticas Miguel. Tras moito investigar, as nenas e nenos de segundo quixeron contarlle á nosa fiel audiencia todo o que aprenderon!

2º PROGRAMA BARRENSES VIAXEIR@S

Despois de traballar as distintas partes do cole e cal é a función de toda a xente que traballa nel, os nenos e nenas de 1º creamos o 2º programa de BARRENSES VIAXEIR@S. 

Aquí o deixamos: 

Moitísimas grazas a todas as persoas que colaborastes!!!

Barrenses viaxeir@s - "A organización e os oficios de Barro" (2ºA e 2ºB)

Xa están aquí os vídeos do segundo programa de "Barrenses Viaxeir@s". Durante as últimas semanas, o alumnado de segundo estivo investigando acerca de como se organiza Barro e que oficios hai na nosa vila. Aqui tendes o resultado! Esperamos que vos guste!

Coñecemos os lugares de Barro e os seus oficios xogando co Beebot!

Os rapaces e rapazas de 2º A e 2º B repasaron os oficios de Barro dun xeito moi divertido: xogando co noso particular robot - abella, o Beebot! Un xogo divertido e completo!

No seguinte vídeo podedes ver en que consiste e o ben que o pasaron:

Barrenses Viaxeir@s: "Mergullámonos no noso corpo"

Este curso, o alumnado de 1º mergullouse nun proxecto televisivo, "Barrenses Viaxeir@s" así se chama. 

Nel, os nenos e nenas irán periodicamente presentando programas que se ambientan en Barro e a súa contorna. O primeiro dos programas xa está listo para vós. Aquí volo deixamos:

Prestade moita atención pois o próximo xa o temos en marcha!

2º de primaria: Xa está aquí o programa "Barrenses Viaxeir@s", esta vez sobre os deportes de Barro!

O alumnado de 2º está traballando nun proxecto que consiste na rodaxe dun “programa de televisión” chamado “Barrenses Viaxeir@s”. En cada episodio, achegarémonos ao noso pobo dende un punto de vista concreto e, nesta primeira ocasión, centrámonos nos deportes do noso Concello. 

Podedes ver aquí dous fantásticos programas da man duns reporteiros e reporteiras moi especiais! Esperamos que vos gusten!

Rematamos o proxecto do outono!

O alumnado de 1ºA e de 1ºB estivo traballando durante estas semanas nun interesantísimo proxecto sobre o outono, indagando acerca das intereses e curiosidades que os propios rapaces e rapazas amosaron inicialmente: por que chove máis, cal é a orixe do Magosto, que alimentos temos no outono, como se comportan os animais no outono, por que as árbores perden as follas... 

Tras unha profunda investigación, os diferentes grupos realizaron "lapbooks" ou libros de solapas nos que amosan dun xeito diferente e innovador todo o que aprenderon. Decidimos colgar estes "lapbooks" nos corredores do cole e incluso poñerlles un código QR para acceder ao blog, de forma que podamos compartir aínda máis as nosas aprendizaxes e os nosos descubrimentos! 

Ademais, os diferentes grupos empregaron as tablets da biblio para gravar vídeos nos que explican todo o que aprenderon e realizaron.

1ºA:

1ºB:

LAPBOOKS DO OUTONO

Despois de moito traballar e investigar, recollemos en distintos lapbooks a información do que queriamos saber do outono: Por que se caen as follas? Por que baixa a temperatura? Por que cambian de cor as follas? Por que caen os ourizos dos castiñeiros no outono?

KAMISHIBAI "MEMORIAS DUNHA GALIÑA"

Os alumnos e alumnas de 1º de Primaria estivemos este curso traballando co libro "Memorias de una gallina" de Concha López Narváez. E, como remate do proxecto "A Revolución", elaboramos  en galego un Kamishibai do libro traballado que presentamos a nenas e nenos doutros cursos. 
Podedes ver a continuación un vídeo que amosa o traballo feito polas crianzas.

OS SENTIDOS

No primeiro trimestre, nas aulas de 1º de Primaria, aprendemos un montón sobre o CORPO HUMANO.

Para rematar o proxecto, elaboramos un Lapbook dos SENTIDOS.

Compartimos neste espazo unha mostra do traballo feito polo alumnado.

ENTREGA DO X PREMIO MIMI A MAMÁ CABRA

O venres pasado fomos á Nave da Música para a entrega do Premio MIMI a MAMÁ CABRA.

O que máis nos gustou foi cantar e bailar o "Baile da Paz" e "A miña tía", o neno disfrazado de MIMI e sacar fotos con MAMÁ CABRA. Cantan e tocan a mar de ben!

Ata outro día MAMÁ CABRA!!!

Máis información no blog de MIMI:

https://oblogdemimi.blogspot.com/2018/10/entrega-do-x-premio-mimi.html

EXPOSICIÓNS "VOCES DE MULLERES"

Para rematar o noso Proxecto "Voces de Mulleres" quixemos amosarlle todo o noso traballo aos compañeiros e compañeiras doutras clases.

Nas aulas de 1º de Primaria investigamos sobre Rosalía de Castro (escritora), Pilar Mateo Herrero (científica) e Yayoy Kusama (pintora). Expuxemos o noso proxecto no patio cuberto; alí estiveron escoitándonos os nenos e nenas das aulas de 3 e 4 anos.

Nas aulas de 2º de Primaria investigamos tamén a Rosalía de Castro, a Mª Antonia Dans (pintora) e a Isabel Zendal (enfermeira). Logo, contamos aos nenos e nenas de 5 anos todo o que investigamos.

Podedes mirar un resumo no seguinte vídeo:



Máis información no blog da Biblioteca:
https://oblogdemimi.blogspot.com/2018/06/voces-de-mulleres.html

PREMIO MICROTEXTOS "TERRAS DO UMIA"

O pasado venres día 4 de maio un grupo de nenos e nenas da aula de 2º B desplazáronse a Portas para acudir á Festa da Lingua de "Terras do Umia" pois Hugo Latas Lucio resultou gañador co seu micropoema na categoría B1 do concurso de Microtextos.

Teño unha eiva no corazón

e por iso síntome remelón

e moi pero que moi tristón.

Compañeiros e compañeiras de 6º de Primaria e de 5 anos A tamén acudiron para participar da festa. Para ler máis, visitade o blog de MIMI:

https://oblogdemimi.blogspot.com.es/2018/05/ix-festa-da-lingua.html