Seguindo coa celebración do Día do Medio Ambiente os nenos e nenas de 2º realizaron nas súas casas uns magníficos xoguetes, feitos con materiais reutilizados. Aquí deixamos unha mostra:
Moitísimas grazas, familias!!!
Ademais, un ano máis, saíron a recoller lixo pola contorna do centro e, como se pode ver, recolleron máis do esperado:
Chegou xuño e con el a tan desexada excursión de fin de curso para os nenos e nenas de 2º, que foron á Illa de Cortegada.
Foi un día marabilloso: fomos en bus, aprendemos moito sobre o marisco de Carril, subimos en lancha motora, fixemos sendeirismo mentres coñeciamos especies vexetais e animais da illa, vimos unha árbore máxica chamada Comepedras, comemos de pícnic, bañámonos, xogamos na area e fixo bo día; que máis se pode pedir?
Este ano, as nenas e nenos de primeiro traballamos no proxecto "Barro no Camiño". Estudamos a vestimenta d@s peregrin@s, por onde vai o Camiño Portugués, por qué lugares das parroquias de Barro pasa, os seres vivos, tanto animais coma plantas, típicos deste camiño e moitas cousas máis. Como broche final, elaboramos un mural para o corredor de primeiro, onde todas as nenas e os nenos están situados no lugar onde viven, tratando de facer unha simulación o máis didáctica posible do mesmo. Incluimos regatos, fotos, vivendas, festas...
Un traballo en equipo dos dous grupos fantástico!!!
Esperamos que vos guste!!!
Para conmemorar o Día Mundial do Medio Ambiente, o alumnado de 2º realizou un fermoso mural con materiais reutilizados baixo o lema
"UNHA SOA TERRA"
Ademais, desenvolveron outras actividades en relación a esta data conmemorativa tan importante. Prestade moita atención, xa que durante esta semana compartirémolas con vós.
Con motivo do ano Xacobeo, o centro está levando a cabo o proxecto Barro no Camiño, co fin de que o alumnado coñeza un pouco máis o Camiño de Santiago e a súa vinculación co concello de Barro.
Para iso, os nenos e nenas de 2º e 3º investigaron sobre o Camiño Portugués, plasmando toda a información nunha representación deste camiño no corredor das súas clases.
Para traballar liñas do tempo, o alumnado de 2º realizou unhas marabillosas liñas sobre a gran catástrofe que azotou Galicia no ano 2002: O afundimento do barco Prestige preto das costas galegas.
Hoxe, os nenos e nenas de primeiro, recibimos a visita de Ana e Mónica, mamás de dous compañeiros, que organizaron para nós este entretido contacontos sobre a igualdade.
Moitas grazas, Ana!
Moitas grazas, Mónica!
Pasámolo moi ben!!!
O alumnado de 1º de Primaria conmemorou onte o Día da Lingua Materna cunha actividade de lectoescritura que consistiu en escribir verbas bonitas do idioma galego nos bocadillos que se utilizan para facer viñetas de cómic, memorizar a súa definición e explicala ás compañeiras e compañeiros.
Precioso traballo!!!
O alumnado de 2º de Primaria realizou a primeira das saídas deste curso, visitando os museos da cidade da Coruña.
Ademais, relacionándoo co camiño de Santiago, visitamos a Torre de Hércules, símbolo do camiño Inglés.
Pasárono xenial! E, para mostra, aquí deixamos a proba:
Feliz Día da Lingua Materna!!!💓💙💚
As nenas e nenos de 1º A e 1º B quixeron celebrar o día da Paz facendo un mural e unhas pombas cunhas verbas bonitas.
Esperamos que vos gusten!
Feliz día da Paz💙!
Para celebrar o fin do 1º trimestre e a chegada da época máis máxica do ano, o alumnado de 2º de Primaria tivo un último día de clase moi especial. Fixeron unha chea de actividades diversas como un scape room, xogos de mesa de Nadal, festa de fin de ano, reparto da amizade invisible...
Aquí deixamos un pequeno resumo da súa ledicia:
O alumnado de 2º de Primaria realizou postais de Nadal para agasallar ás súas compañeiras e compañeiros con mensaxes bonitas e positivas para despedir este 2021:
O alumnado de segundo está metido de cheo na época máis máxica do ano, e para comezar a celebralo fixeron unhas magníficas creacións onde contan a historia dun Papá Noel ao que se lle cambiou a cor do seu traxe.
O alumnado de 2º de Primaria iniciouse na investigación sobre o Camiño de Santiago, que é o noso proxecto anual de centro para este curso.
Primeiro, cada un nas súas casas, coa colaboración das familias, tivo que investigar sobre diferentes temas vinculados co Camiño: peregrinos, camiños que hai, símboloxía... Posteriormente, explicáronlle aos seus compañeiros e compañeiras toda a información que recolleron.
Agora están agardando instrucións de Mimi para seguir co traballo.
En 2º de primaria estamos a profundar sobre o coñecemento do noso corpo. Para iso estivemos facendo uns magníficos lapbooks sobre todo o que coñecemos sobre o noso interior.
A maiores, estivemos traballando cunha camiseta en 3D para poder ver de xeito máis realista como somos por dentro.
Aquí deixamos esta experiencia:
O alumnado de segundo entrou de cheo no outono realizando pequenas producións sobre esta bonita estación.
Aquí volas deixamos:
