As nenas e nenos de 2º A e 2º B asistiron hoxe á representación dunha fantástica historia monicrequeira titulada U-la Lúa? a cargo de Celtia Figueiras. Disfrutaron moito da súa interpretación!
Ademais, Celtia agasallounos co libro da historia que contou para a nosa biblioteca.
Moitísimas grazas!!!
Dentro da materia de ciencias, os nenos e nenas de 1º fomos recoller lixo pola contorna do concello.
Deste xeito, traballamos a concienciación sobre o medio e a contorna, así como a importancia de poñer en práctica a regra dos tres R.
Seguindo co proxecto deste curso, "Barrenses Viaxeir@s", o alumnado de 1º e 2º de Primaria creou un zoo virtual que está situado no arboredo próximo ao colexio.
Se vos animades a visitalo, veredes que en cada un dos paneis, clasificados por continentes, atópase información das diferentes especies amosadas e dous códigos QR. Escaneándoos poderedes ver un vídeo no que os rapaces e rapazas explican curiosidades acerca do animal e, por outra parte, ver o animal en realidade aumentada e, incluso, interactuar e sacarvos unha foto con el!
Aquí deixamos un pequeno resumo do que podedes ver, e como o alumnado destes cursos gozou do traballo feito:
Queremos agradecer a colaboración e a implicación do Concello por proporcionarnos os recursos que nos permitiron conseguir este gran resultado. Por outra parte, tamén agradecemos a Breixo, alumno de 2ºB, e á súa familia a gran axuda á hora de confeccionar os carteis dos continentes.
Ao longo deste segundo trimestre estivemos investigando acerca dos seres vivos coa axuda do profe en prácticas Miguel. Tras moito investigar, as nenas e nenos de segundo quixeron contarlle á nosa fiel audiencia todo o que aprenderon!
O alumnado de 1º estivo a traballar o que son as liñas do tempo e para que serven. Despois, as nenas e nenos fixeron a súa liña do tempo para coñecer os seus primeiros anos de vida.
Os resultados foron xeniais! Aquí vos quedan:
MOITÍSIMAS GRAZAS, FAMILIAS, POLA VOSA COLABORACIÓN!!!
Estes días, para conmemorar a semana da prensa na escola, quixemos facérnonos eco das boas novas que pasan no noso entorno. Fartas de escoitar tantas cousas malas neste ano tan difícil, as nenas e nenos de 2º tratamos de ver o vaso medio cheo e aportar o noso espírito de positividade. Aquí vos deixamos os nosos murais.
Esperemos que vos gusten!!!
Para traballar as medicións de lonxitude, masa e volume, o alumnado de segundo decidiu poñerse mans a obra e experimentar con diversas ferramentas e obxectos: descubriron canto pesaba un litro de auga, cantos mililitros tiña unha lata de refresco e, incluso, mediron o patio cuberto para descubrir cal era o seu centro e, desta forma, poder repartir o espazo para que as dúas clases tiveran exactamente os mesmos metros para xogar!
