Feliz día da Paz

 As nenas e nenos de 1º A e 1º B  quixeron celebrar o día da Paz facendo un mural e unhas pombas cunhas verbas bonitas.

Esperamos que vos gusten!

 Feliz día da Paz💙!

FIN DO 1º TRIMESTRE

Para celebrar o fin do 1º trimestre e a chegada da época máis máxica do ano, o alumnado de 2º de Primaria tivo un último día de clase moi especial. Fixeron unha chea de actividades diversas como un scape room, xogos de mesa de Nadal, festa de fin de ano, reparto da amizade invisible...

Aquí deixamos un pequeno resumo da súa ledicia: 

POSTAIS DE NADAL

O alumnado de 2º de Primaria realizou postais de Nadal para agasallar ás súas compañeiras e compañeiros con mensaxes bonitas e positivas para despedir este 2021:

CONCURSO DE DISFRACES DE NADAL

Co motivo da celebración do Nadal, os nenos e nenas de 2º levaron a cabo un concurso de disfraces. 

Cada un tiña que traer da casa un complemento, unha vestimenta ou un adorno ambientado no Nadal. 

A votación estivo moi rifada xa que todos os disfraces eran espectaculares.

Aquí volos deixamos para que o comprobedes: 

CREACIÓNS DE NADAL

O alumnado de segundo está metido de cheo na época máis máxica do ano, e para comezar a celebralo fixeron unhas magníficas creacións onde contan a historia dun  Papá Noel ao que se lle cambiou a cor do seu traxe.

COMEZAMOS O CAMIÑO

O alumnado de 2º de Primaria iniciouse na investigación sobre o Camiño de Santiago, que é o noso proxecto anual de centro para este curso. 

Primeiro, cada un nas súas casas, coa colaboración das familias, tivo que investigar sobre diferentes temas vinculados co Camiño: peregrinos, camiños que hai, símboloxía... Posteriormente, explicáronlle aos seus compañeiros e compañeiras toda a información que recolleron. 

Agora están agardando instrucións de Mimi para seguir co traballo. 

COÑECÉMONOS POR DENTRO

En 2º de primaria estamos a profundar sobre o coñecemento do noso corpo. Para iso estivemos facendo uns magníficos lapbooks sobre todo o que coñecemos sobre o noso interior. 

A maiores, estivemos traballando cunha camiseta en 3D para poder ver de xeito máis realista como somos por dentro.

Aquí deixamos esta experiencia: